Лявон Вольскі — Dom

Слушать Лявон Вольскі — Dom

Текст Лявон Вольскі — Dom

Ужо нам песьні не пяе наш добры дом,
Стары наш дом, наш бедны дом.
Не сустракае цеплынёю ды сьвятлом,
Ні цеплынёй, ані сьвятлом.

І мы ўжо даўно не размаўляем зь ім,
Сядзім ямо, ляжым і сьпім.
Ці то праз шыбіну на вуліцу глядзім
На шэры дом, на шэры дым.

Вестак няма ад Бога,
Уздыбілася падлога.
Хуткая дапамога
Не дапаможа нам.

Мы не зважаем на расколіны ў сьцяне.
Нібыта ёсьць, а быццам не.
Відаць, што проста так лягчэй табе і мне.
Прасьцей табе, зручней і мне.

Вестак няма ад Бога,
Уздыбілася падлога.
Хуткая дапамога
Не дапаможа нам.
Толькі ў закутых сэрцах
Сонца праменьчык б’ецца.
Можа і адгукнецца
Заўтрашняя вясна.

І я чакаю, што калісьці з-за вакна
Пакажуць нам чароўны знак.
А калі не, дык хай тады ўсё будзе так,
Хай будзе так, хай будзе так.

Вестак няма ад Бога,
Уздыбілася падлога.
Хуткая дапамога
Не дапаможа нам.
Толькі ў закутых сэрцах
Сонца праменьчык б’ецца.
Можа і адгукнецца
Заўтрашняя вясна.